Asosiy mazmunga o‘tish
TASIMO Olympiads

Materiallar · Ustozlar uchun

“E Voh — 2025” o‘zbek tili va adabiyoti olimpiadasi2-bosqich materiallari

Imtihon yakunlangan: savollar to‘g‘ri javoblari bilan ochiq. O‘z bilimingizni sinab ko‘ring.
  • 2-bosqich · Oflayn
  • 30 savol
Savollarga o‘tishOlimpiada sahifasi

Onlayn test savollari

Imtihon yakunlangan — savollar to‘g‘ri javoblari bilan ochiq. Avval o‘zingiz yechib ko‘ring, so‘ng javoblarni tekshiring.

Savollar
30
Jami ball
60
Vaqt
60 daqiqa
Imtihon sanasi
19-oktabr, 202512:00, Toshkent vaqti

Ochilgan javoblar: 0 / 30

  1. 1-savol

    Ular oriq qo‘ylarni parvarishiga alohida e’tibor bermayotirlar. Ushbu gapda qanday uslubiy xato mavjud?
    1. A
      So‘z qo‘llash bilan bog‘liq xato
    2. B
      Kelishik qo‘shimchasi bilan bog‘liq xato
    3. C
      Ko‘plik qo‘shimchalari bilan bog‘liq xato
    4. D
      Imlo bilan bog‘liq xato
    2 ball

  2. 2-savol

    Turli katta-kichik marosimlar: bayramlar, tug‘ilgan kunlar, to‘ylar bilan bir qatorda, do‘stona yig‘inlar ham bu munosabatlarni tobora mustahkamlab turuvchi vositadir. Berilgan gapdagi yasama so‘zlarning yasalish asosi qaysi so‘z turkumlari hisoblanadi?
    1. A
      Ot, sifat, fe’l
    2. B
      Ot, sifat
    3. C
      Ot, ravish, fe’l
    4. D
      Ot, fe’l
    2 ball

  3. 3-savol

    Egalik shakllari bilan qo‘llana olmaydigan olmosh turi qaysi bandda boshqaruvli birikma hosil qilgan?
    1. A
      O‘zligini unutgan insonning kelajagi ham unutilgan.
    2. B
      Kattalarni sensiramay, balki doim sizlab murojaat qilish odobning go‘zal namunasi hisoblanadi.
    3. C
      Shu maftunkor go‘shada siz-la baxtli o‘tgan dam.
    4. D
      Allakim nimanidir qayerdadir qachonlardir isbotlagan.
    2 ball

  4. 4-savol

    Qaysi gaplarda tire o‘zaro bir xil punktuatsion qoida asosida qo‘yilgan? 1. Negadir o‘z noroziligini keskin ifodaladi: "Soni bor − sifati yo‘q". 2. Biroz o‘ylanib javob berdi: "Islohotlardan maqsad − sifatli ta’lim". 3. "Avvalo, Vatan muqaddas sajdagohdir", − derdi adabiyot ustozimiz. 4. Insonning qattiqqo‘l ustozi − hayot, aqlli tarbiyachisi esa kitobdir. 5. Til, adabiyot va madaniyat − barchasi millatning borligidan dalolatdir. 6. Rassom inson ruhiyatini − uning qalbini o‘z ijodida aks ettiradi.
    1. A
      2 va 3
    2. B
      1 va 2
    3. C
      5 va 6
    4. D
      2 va 4
    2 ball

  5. 5-savol

    Qaysi gapda ochiq so‘zi o‘z ma’nosida qo‘llangan?
    1. A
      Nafisa o‘z fikrlarini ko‘pchilik oldida ham ochiq ifoda qila olardi.
    2. B
      Yig‘ilishda aytilgan anchagina muammolar ochiq qoldi.
    3. C
      Haftaning dushanba kuni ochiq eshiklar kuni deb e’lon qilindi.
    4. D
      Ismat ota ochiq derazadan boshini chiqarib, o‘g‘lini chaqirdi.
    2 ball

  6. 6-savol

    Berilgan gap haqidagi to‘g‘ri fikrni aniqlang. Xalqimizning asrlar davomida shakllangan qadimiy madaniyati va qadriyatlarini asrab qolishimiz uchun yosh avlodni milliy ruhda tarbiya qilishimiz lozim.
    1. A
      Ravish holi ot kesimga to‘g‘ridan to‘g‘ri tobelangan.
    2. B
      Payt holi fe’l kesimga to‘g‘ridan to‘g‘ri tobelangan.
    3. C
      Maqsad holi vositasiz to‘ldiruvchiga tobelangan.
    4. D
      To‘ldiruvchi aniqlovchiga kelishik yordamida tobelangan.
    2 ball

  7. 7-savol

    Qaysi gapda tire tinish belgisi tushirib qoldirilgan?
    1. A
      Na qor, na yomg‘ir, na to‘fon va na bo‘ron hech narsa dovyuraklarni qo‘rqita olmadi.
    2. B
      Shunday odamlar borki kelajakni oldindan bashorat qila oladilar.
    3. C
      Mening opam ham tajribali shifokor.
    4. D
      Ehtimol, sizda ham shunday hollar bo‘lgandir tun yarmidan og‘ganda birdan uyg‘onib ketasiz.
    2 ball

  8. 8-savol

    Istadim sayr aylamoqni men g‘azal bo‘stonida, Kulmangiz ne bor senga deb, Mir Alisher yonida (E.Vohidov). Ushbu she’riy parchada so‘zlarning mazmun va grammatik jihatdan bog‘lanishi to‘g‘ri ko‘rsatilgan javobni aniqlang.
    1. A
      Sayr aylamoqni istamoq, g‘azal bo‘stoni
    2. B
      G‘azal istamoq, sayr aylamoq
    3. C
      G‘azal bo‘stoni, kulmoq istamoq
    4. D
      Men istadim, senga kulmoq
    2 ball

  9. 9-savol

    Ey munaqqid, sen g‘azalni ko‘hna deb kamsitmagil, Sevgi ham Odam Atodan qolgan inson qonida. Ushbu she’riy parchada shaxs otlarining sintaktik vazifasi to‘g‘ri berilgan qatorni toping: 1.undalma. 2.aniqlovchi. 3.to‘ldiruvchi. 4.ega.
    1. A
      1, 2 va 3
    2. B
      1, 2 va 4
    3. C
      1 va 2
    4. D
      2 va 3
    2 ball

  10. 10-savol

    Mamlakat...(1) kichik bir qismi bo‘lgan oila...(2) tinchligi...(3) asraylik. Mazkur gapda raqamlar bilan belgilangan ko‘p nuqtalar o‘rnida adabiy til me’yorlariga ko‘ra qaysi kelishik qo‘shimchalari qo‘llaniladi?
    1. A
      1, 3 – tushum; 2 – qaratqich
    2. B
      1, 2 – qaratqich; 3 – tushum
    3. C
      1, 2 – tushum; 3 – qaratqich
    4. D
      1 – qaratqich; 2, 3 – tushum
    2 ball

  11. 11-savol

    Tobe qismi sodda yasama fe’l bilan ifodalangan otli birikma qatnashgan gapni aniqlang.
    1. A
      Sportchimiz og‘ir jarohatlangani tufayli keyingi musobaqalarga kela olmadi.
    2. B
      Mashhur shoirlarimizning hayoti va ijodini o‘rganish asosiy vazifamizdir.
    3. C
      Dalada rohatlanayotgan bolakaylarga havas bilan boqdi.
    4. D
      Uning qo‘ng‘iroq sochlariga tegishib o‘tgan o‘ynoqi shabada husniga husn qo‘shar edi.
    2 ball

  12. 12-savol

    Ardoqli ijodkorning so‘z san’ati va el-yurt oldidagi xizmatlari inobatga olinib, davlatimiz rahbarining 2016-yil 7-dekabrdagi qarori bilan Erkin Vohidov tavalludining 80 yilligi mamlakatimizda keng nishonlandi. Ushbu gapdagi sodda yasama so‘zlar haqidagi noto‘g‘ri hukmni toping.
    1. A
      Sodda yasama so‘z gapda ega vazifasida kelgan.
    2. B
      Sodda yasama so‘z gapda kesim vazifasini bajargan.
    3. C
      Sodda yasama so‘z murakkab kesimga bevosita tobelangan
    4. D
      2 ta o‘rinda sodda yasama so‘z sodda yasama so‘zga tobelangan.
    2 ball

  13. 13-savol

    Nigorim chashmi ikkidur: biri yag‘mo, biri jodu, Bu jodudin iki ko‘zim biri Sayhun, biri Jayhun. Erkin Vohidovning ushbu baytida Jayhun va Sayhun so‘zlarining izohi to‘g‘ri berilgan qatorni toping. 1. Jayhun – Sirdaryo, Sayhun – Amudaryo. 2. Har ikkisi gidronim hisoblanadi. 3. Jayhun – Amudaryo, Sayhun – Sirdaryo. 4. Atoqli ot bo‘lgani sababli bosh harfda berilgan. 5. Har ikkisi zoonim hisoblanadi.
    1. A
      1, 3, 4
    2. B
      2, 3, 4
    3. C
      1, 4, 5
    4. D
      2, 3, 5
    2 ball

  14. 14-savol

    Sobit-ul sayyorada inson o‘zing, inson o‘zing, Mulki olam ichra bir xoqon o‘zing, sulton o‘zing. Ushbu she’riy parchadagi shaxs otlari haqida keltirilgan to‘g‘ri hukmlarni toping. 1.Shaxs otlari ega bo‘lib kelgan. 2. Shaxs otlari kesim bo‘lib kelgan. 3. Shaxs otlari qofiyadosh so‘z bo‘lib kelgan. 4. Shaxs otlari bir-biriga tobelangan.
    1. A
      1, 2 va 3
    2. B
      1, 2 va 4
    3. C
      1 va 3
    4. D
      2 va 4
    2 ball

  15. 15-savol

    To tirikdirki tabiat, To quyosh sochgayki nur, Uch egiz bordir tushuncha, Uch bu so‘z yondosh bo‘lur: Mohir-u mehr-u mahorat, Olim-u ilm-u amal, Oshiq-u ishq-u mashaqqat, Shoir-u she'r-u shuur. Erkin Vohidovning ushbu she’rida ikkinchi banddagi so‘zlarning nechtasi arab tilidan o‘zlashgan so‘z hisoblanadi?
    1. A
      12 tasi
    2. B
      10 tasi
    3. C
      9 tasi
    4. D
      11 tasi
    2 ball

  16. 16-savol

    “Bolang bo‘lmasa – bir balo, bolangdan bola bo‘lmasa, yana bir balo”. Ushbu parcha qaysi asardan olingan?
    1. A
      “Oq kema” (Chingiz Aytmatov)
    2. B
      “Oydinda yurgan odamlar” (Tog‘ay Murod)
    3. C
      “Qorako‘z Majnun” (Said Ahmad)
    4. D
      “Muqaddas” (Odil Yoqubov)
    2 ball

  17. 17-savol

    Bas, yetar yolg‘on saodat, yolg‘on erk, yolg‘on Vatan, Hurriyat zavqini chin surmoqni istaydir ko‘ngil. O‘tgan asrning 90-yillarida yozilgan ushbu she’rning muallifi va nomi to‘g‘ri berilgan qatorni toping.
    1. A
      Abdulla Oripov “Yolg‘on saodat”
    2. B
      Erkin Vohidov “Vatan istagi”
    3. C
      Abdulla Oripov “Hakim va ajal”
    4. D
      Erkin Vohidov “Yaxshidir achchiq haqiqat”
    2 ball

  18. 18-savol

    Erkin Vohidovning “So‘z latofati” asarida quyidagi bayt keltirilgan: Bir dilovardur ko‘ngulki, g‘am sipohi qalbida, Ohi novak, toza dog‘idur qizil qalqon anga. Baytda qo‘llangan dilovar so‘zning ma’nosini belgilang.
    1. A
      Jasur, qo‘rqmas
    2. B
      Dil xushlovchi
    3. C
      Dil og‘diruvchi
    4. D
      Dil, qalb o‘g‘risi
    2 ball

  19. 19-savol

    Erkin Vohidovning 1991-yilda yozilgan quyidagi she’ri bag‘ishlangan obyektni toping: Sen ey umrim nahoridan Azizu oshino menga, Sahar cho‘lponidek jozib Sochibdirsan ziyo menga.
    1. A
      Vatan
    2. B
      Turmush o‘rtog‘i
    3. C
      She’riyat
    4. D
      Muhabbat
    2 ball

  20. 20-savol

    Erkin Vohidov “She’r yozilganda” she’rida nozirlar va ularning qattol so‘zidan qo‘rqmasam ham, bir insonning nigohidan qo‘rqishini yozadi. O‘sha insonni belgilang.
    1. A
      Hazrat Navoiy
    2. B
      Ozod Sharafiddinov
    3. C
      G‘afur G‘ulom
    4. D
      Abdulla Qahhor
    2 ball

  21. 21-savol

    Tutdim o‘lmakdin tirilmak, hajrida tengdir manga, Emdi gar bergil ziloli Xizr, agar jallod bo‘l. Hazrat Navoiyning ushbu baytida berilgan ziloli Xizr birikmasida ko‘zda tutilgan motiv bilan bog’liq rivoyat Erkin Vohidovning qaysi asarida uchraydi?
    1. A
      “Yoshlik devoni”
    2. B
      “Palatkada yozilgan doston”
    3. C
      “Ruhlar isyoni”
    4. D
      “Orzu chashmasi”
    2 ball

  22. 22-savol

    Erkin Vohidov tomonidan Ahmad al-Farg‘oniyning 1200 yillik yubileyiga bag‘ishlab yozilgan bayram ssenariysida qaysi tarixiy shaxs o‘zining 700 yoshdaligini, Rumo yurtidan ekanligini, Farg‘oniy nomini she’rlarida doston qilganligini aytadi?
    1. A
      Dante
    2. B
      Kolumb
    3. C
      Regiomantan
    4. D
      Ptolomey
    2 ball

  23. 23-savol

    Erkin Vohidovning “Ruhlar isyoni” dostoni bosh qahramoni Nazrul Islomga quyidagi gaplarni kim aytgan: “Quloq solgin so‘zimga. Adolat deb bitdimu she’r, Mil tortdilar ko‘zimga”.
    1. A
      Nasimiy
    2. B
      Mansur Xalloj
    3. C
      Rudakiy
    4. D
      Lermontov
    2 ball

  24. 24-savol

    Erkin Vohidovning “So‘z latofati” asarida keltirilishicha, “muxbir” so‘zi qaysi tilda “ayg‘oqchi”, “josus” ma’nolarini anglatadi?
    1. A
      Hind
    2. B
      Fors
    3. C
      Pushtu
    4. D
      Urdu
    2 ball

  25. 25-savol

    Hazrat Alisher Navoiyning Shah yonin farzin kibi kajlar maqom etmish ne tong, Rostravlar arsadin gar tutsalar ruhdek qiroq baytidagi arsa so‘zining ma’nosi nima?
    1. A
      Qirg‘oq
    2. B
      Maydon
    3. C
      Orqa
    4. D
      Yuqori
    2 ball

  26. 26-savol

    Erkin Vohidovning qaysi kitobiga faqat aruzda yozilgan she’rlari kiritilgan?
    1. A
      “Muhabbatnoma”
    2. B
      “Sadoqatnoma”
    3. C
      “Yoshlik devoni”
    4. D
      “She’r dunyosi”
    2 ball

  27. 27-savol

    Termulib shabnamli yaproq ostidan pinhon uzum, Lablaringga yetmoq istab tong sahar giryon uzum. Erkin Vohidovning ushbu bayti haqida bildirilgan to‘g‘ri hukmlarni toping. 1. Baytda tashxis san’atidan foydalanilgan. 2. Bayt vazni: hazaji musammani mahzuf. 3. Bayt vazni: ramali musammani mahzuf. 4. Baytda muqayyad qofiya qo‘llangan. 5. Baytda mutlaq qofiya qo‘llangan.
    1. A
      1,3,5
    2. B
      1,2,5
    3. C
      1,3,4
    4. D
      1,2,4
    2 ball

  28. 28-savol

    Gul bo‘ylarini bog‘dan keltirgan ey, shaboda, Dildorga noma yozdim, yetkur uni havoda. Erkin Vohidov g‘azalidan olingan ushbu parchaning vaznini aniqlang.
    1. A
      Hazaji musammani axrab
    2. B
      Muzore’i musammani axrab
    3. C
      Ramali musaddasi mahzuf
    4. D
      Mujtassi musammani maxbun
    2 ball

  29. 29-savol

    Kulib yurgay edim bir vaqt o‘qib Majnun jununidan, Degaylar, o‘zgadan kulma o‘zingdan bo‘lmayin ogoh. Erkin Vohidovning ushbu satrlarida qanday badiiy san’at qo‘llangan? 1. Tashbeh. 2. Tashxis. 3. Talmeh. 4. Tarde aks. 5. Irsoli masal. 6. Ishtiqoq.
    1. A
      1,3,6
    2. B
      3,5,6
    3. C
      1,4,5
    4. D
      1,2,3
    2 ball

  30. 30-savol

    Firoq tog‘ida topilsa, tufrog‘im, ey charx, Xamir etib yana ul tog‘da ko‘hkan qilg‘il. Alisher Navoiyning ushbu baytida nazarda tutilgan shaxs nomi bilan bog‘liq talmeh Erkin Vohidovning qaysi baytida keltirilgan?
    1. A
      Lahzaye hijron yukiga Bistun ukparchadir, Bu qadoqlik toshcha kelmas yer bila osmon yuki.
    2. B
      Tirilsa nogahon Farhod, yuzingni ko‘rsa ko‘zguda, Kechib Shirinidan yuz yil ko‘yingda darbadar bo‘lg‘ay.
    3. C
      Kulib yurgay edim bir vaqt o‘qib Majnun jununidan, Degaylar, o‘zgadan kulma o‘zingdan bo‘lmayin ogoh.
    4. D
      Qilmadim bir bor o‘shal gul yuzli zebo birla sayr, Qonmagay dil, aylasam ming bitta Laylo birla sayr.
    2 ball

Yana materiallar

Shu olimpiadaning boshqa materiallari

Barchasini ko‘rish